8 мартка хатын-кызларга нәрсә бүләк итәргә кирәкми?

“Бүләк һәрвакыт ихтирам, хөрмәт һәм мәхәббәтне чагылдыра. Ул артык кыйммәтле дә яки артык арзанлы да булырга тиеш түгел”, – ди ул. 

Белгеч ярдәмендә 8 мартка хатын-кызларга бүләк итәргә кирәк булмаган бүләкләр исемлеген дә төзедек. Алар: косметика һәм шәхси гигиена чаралары, парфюм, кухня кирәк-яраклары. “Бүләкләү этикетында «якыннарыма – тәнемә якын» төшенчәсе бар, ягъни мондый бүләкләргә: эчке кием, башмаклар, гәүдәне һәм йөзне тәрбияләү чаралары керә. Болар – без интим дистанциядә торган иң якын кешеләр өчен генә. Этикет шулай ук акча һәм сертификатлар бирергә киңәш итми. Моны бүләк турында уйларга вакыты да, теләге дә булмаган дип аңларга мөкиннәр. Ә бит бүләкнең кыйммәте сез бүләкне табу һәм аны матур итеп тәкъдим итү өчен күпме көч һәм вакыт сарыф итүегезгә бәйле. Шунысын да билгеләп үтәргә кирәк, бүләк төргәге аның үзеннән кыйммәтрәк булырга тиеш түгел”, – дип ассызыклады этикет эксперты Светлана Гашигуллина.

Бүләкләү этикетында хатасыз бүләкләр исемлеге барлыгын да билгеләп үтте. Болар: чәчәкләр, матур итеп бизәлгән тәм-томнар, фарфор эшләнмәләр, пыяла эшләнмәләр, китаплар, шампан шәрабы (әгәр бу урынлы булса), сыйфатлы канцелярия, ул матур итеп бизәлгән көндәлек, ручка булырга мөмкин.