Айгөл Бариева: «Рамазан аенда гауга чыгару, кемнедер гаепләү, чәйнәү - үзе бер гөнаһ»

«Соңгы арада төрле ифтарлар турында гаугалар таралды. Имеш, болай дөрес түгел, тегеләй дөрес түгел...

Минем фикерем: Һәрбер эшләгән эшнең нигезендә НИЯТ тора. Һәм  ул ниятне бары тик Аллаһы Тагәлә белә. Шуңа күрә кем нәрсә һәм ничек эшли... - безнең гаепләргә хакыбыз юк!

Ә менә Рамазан аенда гауга чыгару, кемнедер гаепләү, чәйнәү - үзе бер гөнаһ.

Шуңа күрә, дусларым, сөеник кенә инде. Яшьләр тартыла, күбрәк йөри башлый андый чараларга. Матур күлмәкләр кисәләр дә, имеш, мода күрсәтер өчен (кемдер шулай яза, уйлый...), шулай булса да, ул яшь кыз безнен диннең нинди матур икәнлеген күрсен, аны күреп ул тагы да тартылачак, анда килеп файдалы вәгазъләр тыңлап китәр һ.б.һ.б.

Уңай якларын күрергә өйрәник әле, дуслар! Һәм бер-беребезгә сабыррак һәм мәрхәмәтлерәк булыйк.

Ә кемнең нинди ният белән эшләнелә - ансы инде һәрберебез үзебез җавап бирәчәкбез. Гаепләүдән туктыйк!», дип язган Айгөл Бариева үзенең телеграм-каналында.

Фото Айгөл Бариеваның телеграм-каналыннан