Ир-атларга: белгеч 8 мартка нинди чәчәкләр сайларга кирәклеген сөйләде

Чәчәк бәйләме ул -  универсаль бүләк. Аны бүләк иткәндә кешенең яшен, җенесен һәм нинди сәбәп белән сайлавыңны исәпкә алырга кирәк. Яшь кызларга, аның сиңа никадәр якын булуыннан чыгып, чәчәкнең нейтраль төстән җете кызыл төсләргә кадәрен сайларга була. Алар розалар, канәфер, герберлар, лаләләр һәм башкалар булырга мөмкин.
Өлкәнрәк яшьтәге хатын-кызларга роза, лилия, хризантемаларның тыныч һәм пастель тоннары отышлы. 
Яшь кызларга пастель тоннардагы кечкенә букетлар бүләк итү кабул ителгән, - ди ул. - Шулай ук чәчәкләр белән нәрсә әйтергә теләвеңне дә белдереп була. Розалар хисләр белдерү өчен иң яхшы чара булып хезмәт итә. 
Кызыл розалар - дәртле мәхәббәт символы, шулай ук тирән хөрмәт билгесе. Кызыл розалардан букетны ир-ат үзенең яраткан кешесенә генә бирә ала.
Ак розалар - чисталык һәм сафлык символы. Ихлас мәхәббәт йөзеннән бүләк итәләр. 
Алсу розалар - элегантлык һәм нәзакәтлелек билгесе. 
Лаләләр язгы җылылыкны, өметне, мәхәббәтне белгертәләр. 
Ак лаләләр нечкә хислелекне, сизгерлекне аңлата. 
Сарылары - шатлык, ләззәт, бәхет.
Кызылы - ялкынлы мәхәббәт, дәрт, шатлык. 
Алсу төс - назлылык, яшьлек, грация". 
Чәчәкләр саны күбрәк булган саен, алар шулкадәр затлырак күренә, дип кисәтә белгеч. 
Бер генә чәчәк ул - аерым бүләк. Чәчәк этикеты кагыйдәләре буенча, ул ир-ат һәм хатын-кыз арасында аерым игътибар һәм якынлык билгесе буларак рөхсәт ителә. Һәм ул, әлбәттә, озын сабаклы роза була ала. 
Чүлмәктәге гөлне чәчәк үстерергә яратучыларгабирү дөрес. Бу очракта затлы орхидея сайлау отышлы.

Дилбәр Гарифуллина фотосы