Политолог Марат Бәширов: Сайлауларның легитимлыгы өчен халыкара күзәтүчеләр эше мөһим

Бу хакта матбугат конференциясендә Россиянең танылган политологы, Югары икътисад мәктәбе профессоры Марат Бәширов белдерде. Аның сүзләренчә, сайлауларның легитимлыгы процедураларның үтәлеше белән генә — Россиядә сайлаулар барышын күзәтү өчен 133 илдән 1126 күзәтүче килгән. Алар сайлау участокларында тавыш бирүнең ничек оештырылуын күзәтә, соңрак алар тавышларны санау барышына да бәя бирәчәк.

– Сайлаулар нәтиҗәләре буенча алар үз илләренең парламентларына һәм башкарма хакимият органнарына хисаплар тапшыра, — диде Марат Бәширов.

Политолог сайлаучыларның тавыш бирүдә активлыгы да мөһим күрсәткеч булуын билгеләп үтте. 

— 19 сентябрь киченә, дистанцион электрон тавыш бирүне исәпкә алмыйча, сайлаучыларның якынча 45 проценты тавыш биргән. Бүген бу күрсәткечнең 50 проценттан артуы мөһим. Традиция буенча сайлаучыларның күпчелеге якшәмбе көнне тавыш бирә, — диде ул.