Политолог Михаил Виноградов: “Татарстан тавыш бирү процедурасына зур игътибар бирә”

Аның фикеренчә, җәмгыятьтә күзәтелгән һәм кимүгә таба барган борчылулар сайлаулар барышында чагылырга мөмкин. "Без күрәбез, хәзер социология сентябрьдә борчылу дәрәҗәсенең беркадәр кимүен күрсәтә, әмма апрельдән августка кадәр төрле реакцияләр китереп чыгара торган борчылу дәрәҗәсе шактый көчле булган. Кемдә дә булса ачу килү, кемдәдер апатия, нәрсәдә булса да катнашырга теләмәү – һәрберебез үз тирәбездә күрә торган мисаллар, һәм бу бик табигый", – ди Виноградов.

Спикер шулай ук Татарстанда сайлаулар уздыру үзенчәлекләрен атады. Аның сүзләренчә, республика тавыш бирү процедурасына зур игътибар бирә. Ягъни гражданнар белән аралашуның төрле формалары кулланыла. Сайлаучыларның дистанцион электрон тавыш бирүгә мөнәсәбәте дә исәпкә алына, сайлауларда катнашуның гадәти ысуллары да саклана.