Авыл хуҗалыгы буенча иң алдынгы һәм иң арттагы районнар билгеле

Кукмара, Тукай, Әтнә, Балтач һәм Мамадыш районнары 2024 елда авыл хуҗалыгы рейтингында алдынгы баскычларда. Соңгы баскычта – Балык Бистәсе, Әгерҗе һәм Баулы. Авыл хуҗалыгы һәм азык-төлек министры Марат Җәббаров министрлыкның коллегия утырышында билгеләп узганча, районнар рейтингы терлекчелек, үсемлекчелек һәм икътисад буенча нәтиҗәләрне исәпкә алып, биш төп индикатив күрсәткечләргә нигезләнеп төзелгән.

Рейтингны билгеләгәндә, министрлыкның максаты кемнең ничек эшләвен күрсәтү генә түгел, ә территорияләрнең нинди резервлар һәм гамәлгә ашырылмаган потенциалы булуын күрсәтү дә иде.

Шул ук вакытта артта калучылар йөзләрчә сәбәп табарга мөмкин, әмма көн саен реаль эш белән шөгыльләнергә кирәк. Кайбер районнар инде берничә ел рейтингта хәтта бер позициягә дә күтәрелә алмый. Уртадагылар шулай ук үз алларына югарырак максатлар куя алыр иде, - диде ул.

Район җитәкчеләренә мөрәҗәгать итеп, министр алардан бу җәһәттән җентекле анализ ясауларын һәм даими контрольдә тотуларын сорады.