Шәхси хуҗалыкларда бер елда терлек саны 8,8 мең башка кимегән

Әмма шул ук вакытта шәхси һәм шулай ук фермер хуҗалыклары буенча терлекләрнең баш саны кимү күзәтелә. Татарстанның авыл хуҗалыгы һәм азык төлек министры Марат Җәббаров билгеләп узганча, электрон хуҗалык кенәгәсе мәгълүматлары буенча, шәхси хуҗалыкларда сыерлар саны 86,7 мең баш тәшкил итә, бер елда 8,8 мең башка кимегән.
- Бүген республикада сөтнең уртача бәясе 36 сум тәшкил итә (НДСтан башка). Узган елга караганда якынча 10 сумга артыграк. Терлекләрнең баш санын торгызу буенча чаралар күрергә кирәк. Районнарның яртысы сөтне 36 сумнан һәм аннан да күбрәккә сата. Ләкин бу юнәлештә начар эшләүче районнар да бар, - диде ул коллегия утырышында.
Фермер хуҗалыкларында эре мөгезле терлекләр саны 9 процентка кимегән. Моның төп сәбәпләре - биш еллык йөкләмәләр тәмамланганнан соң ветеринария-санитария таләпләре катгыйлануга бәйле рәвештә фермерларның эш нәтиҗәлелегенең түбән булуы һәм хуҗалыкларны ябуы, дип аңлата министр. Терлекләрнең баш саны hеспубликаның фәкать сигез районында гына арткан.