Һәр көнне кичен әлеге җимешне ашагыз

Аның составындагы С витамины лимонга караганда 1,5 тапкырга артыграк. Аңарда шулай ук тимер, селен, йод, каротин, фосфор бар. Балан җимеше бактерия, вирусларны үтерә. Согы исә диатез, ютәл вакытында куланыла. 

Баланны күп очракта бал белән кушып ашарга яраталар, шуның белән ачысы да сизелми. Ачысы дигәннән, нәкъ шул ачы тәме аркасында ул диабет белән йөрәк-кан тамырлары авыруларыннан сихәтле. Һәр көнне кичен бер чәй кашыгы бал белән балан кушылмасын ашау кан басымы белән булган проблемалардан котылырга булыша, ашказаны чирен булдырмый. Бал белән баланны бавыр авырулары вакытында, салкын тигәннән дә ашарга кирәк. 

Балан җимеше тынычландыру үзлегенә дә ия. Бер аш кашыгы баланга бер стакан кайнар су салып, көненә ике тапкыр эчегез. 
Баланнан сок та, морс та, кайнатма да, желе да ясыйлар. 

Балан желесы
Баланны кабыгы йомшарганчы пешерәбез. Суын түгеп, аңа янә ике стакан җылы су салып, тәмам изелеп беткәнче пешерәбез. Соңыннан баланны иләк аша үткәргәч, шикәр комы кушабыз. Катнашманы әкрен утта 50 минут кайнатып, банкаларга тутырабыз. Желе өчен 1 кг баланга 1 кг шикәр комы, 2 стакан су кирәк.