Җырчы тормышымда үкенә торган берничә әйбер бар,ди.
Җырчы Дилә Нигъмәтуллина әнисе белән профессиональ фотосессия ясамаганы хакында үкенә икән.
"Тормышымда үкенә торган берничә әйбер бар. Миннән интервью алган саен әнинең фотосын сорыйлар. Мин һәрвакыт аның белән, гаиләм белән профессиональ фотосессия ясамавыма үкенәм. Ә бит күпме мөмкинлек бар иде! Гел вакыт җитмәде... Аннан соң ул авырды һәм инде үзе дә "андый кыяфәттә" төшәсе килмәде",- ди Дилә.
Шул көннәрдә җырчының әнисе тууга 70 ел булган.
"Ел саен бу көнне аның истәлегенә дип берәр гамәл кылам",- ди җырчы ханым. Елдагы традициясенә тугры калып, Дилә гаиләсе һәм абыйсы, әтисе белән фотосессия уздырган.
![](/images/uploads/ckeditor/jpeg/656ef5acd5f0a_WhatsApp Image 2023-12-05 at 12.55.03.jpeg)
Комментарийлар