Тамаша сәгать 10.00 дә башлана. Әмма оештыручылар чарага иртәрәк килергә киңәш итә, чөнки төп мәйданга керер өчен махсус контроль пунктларын узарга кирәк. Алар Кремль метро станциясе һәм Казансу яр буе ягында урнашкан. Мәйданга спиртлы эчемлекләр кулланган, кулларында зур габаритлы әйберләр булган кешеләрне кертмәячәкләр.
Тамашада меңнән артык хәрби һәм бу юнәлештә белем ала торган студентларның катнашуы көтелә. Парадка килүчеләргә 24 данәдән торган хәрби техника тәкъдим ителәчәк. Алар арасында тарихи “Т-34” танкы да, заманча хәрби техника да бар.
Комментарийлар