Кешегә бәхетле булу өчен аена күпме акча кирәк?

Аналитиклар уздырган сораштырудан күренгәнчә, бүген кешегә бәхетле булу өчен аена 250 мең сум кирәк икән. Һәм бу узган елгыдан 25 процентка күбрәк. 
Ир-атларга бәхет өчен хатын-кызларга караганда акча күбрәк таләп ителә – 270 мең сум, ә көчсез затларга – 230 мең дә җитә. Ләкин бу иң югары күрсәткеч түгел.

Аналитиклар акчаның суммасы яшь белән бергә арта баруын ачыклаган. Әлеге тикшеренүнең кызыклы фактлары шунда: иң таләпчән халык Мәскәү, Владивосток, Ростов-на-Дону, Төмән һәм Красноярскида яши ди.