#Кыскача яңалыклар 29 декабрь 2023, 15:21

2023 ел символы: Татарстанда ничә куян яши?

29 декабрь 2023, 15:21

Кара су куяны (куян, мәче) безне ел дәвамында озата барды. Татарстан биоресурслар буенча дәүләт комитеты республикабызда куяннарның никадәр күбрәк булуын исәпләп чыкты.

Скопировать ссылку

Кроликлар һәм куяннар куяннар семьялыгына, куянсыманнар отрядына керә. Бу семьялыкта берничә төр бар: үр куяны, ак куян, песчаник, маньчжур куяны һәм кыргый кролик. Республикада 2 төре – үр куяны һәм ак куян яши.

Ак куян урманнарда һәм куаклыкларда яшәүче җәнлек. Кышын ул ап-ак төстә, ә колак очлары ел әйләнәсе кара була. Ул үләнчел, куаксыман һәм агаччыл үсемлекләр белән туклана. Татарстан Республикасының Кызыл китабына кертелгән, бу төрне аулау тыела. Агымдагы елның 1 мартына булган мәгълүматларга караганда, аның саны 8804 кә җитә.

Үр куяны – халык әкиятләрендәге иң яраткан персонажларның берсе. Ул бераз куркаграк, мактанчык, ләкин шул ук вакытта искиткеч җитез һәм зирәк.

Алар бер-берсе белән тәпиләрен бәргәләп аралашалар. Бу тавышлар барабан какканны хәтерләтә. Агымдагы елның 1 мартына булган мәгълүматлар буенча республикада 28 349 җәнлек яши.

Хайваннар дөньясы вәкилләрен саклау һәм үрчетү өчен, ел саен кыргый җәнлекләрне тукландыру буенча эш алып барыла. Республикада куяннар өчен 7 меңнән артык тозлык һәм 10 мең тукландыру мәйданчыгы җиһазландырылган.

Кызыклы яңалыкларны күзәтеп бару өчен безнең МАХ каналына кушылыгыз.