Айфон җиңгән Ландыш Потапова: «Ә бәлки?» дип куелган фото иде

-    Бәйге турында социаль челтәрләр аша белдем, бу турыда шактый күп мәгълүмат басылды. Конкурсларда  бик сирәк катнашам, моңа кадәр берни отканым да юк иде. Бу юлы “Ә бәлки?” дип бәхетемне сынап карарга булдым. Һәм менә нинди бәхет елмайды бит, - дип сөйләде Ландыш.

Ландыш Әлмәттә яши. 62нче балалар бакчасында эш кәгазьләре белән эшли. Татарстан Республикасы Дәүләт Советы депутатларын сайлауга ул ире Денис белән барган.

-    Җиңүемне белү минем өчен көтелмәгән булды. Мин әле дә шок хәлендә, әмма бик сөенәм. Телефоным да искергән иде инде, аны алмаштырам дип йөри идем. Менә яңа айфонлы булдым, - дип сөенече белән уртаклашты ул.