Аракы 21 яше тулганнарга гына сатылачак

Ленинград өлкәсенең законнар җыелмасы Дәүләт Думасына әнә шул хактагы закон проектын тәкъдим иткән, дип хәбәр итә ТАТ Сентер.ру.

Проект авторлары моны 18 яшьлек балигъ булган егет, кызлар спиртлы эчемлекләр эчү турында карарны уйлап кабул итми, күпләр башкалар кушканга гына эчә, аракының тискәре йогынтысы турында уйлап бетерми дип аңлата. Россия гражданнарының сәламәтлеген , иминлеген тәэмин итү өчен аракыны бары 21 яшь тулганнан соң гына сатарга рөхсәт итәргә кирәк дигән фикердә депутатлар.