«Башыңны онытмадыңмы?». Метрода...

Метрода ешрак оныта торган әйберләр аталды.

«Югалтулар» арасында сумкалар, пакетлар, ачкычлар һәм башлыклар лидер булып чыкты. Бу хакта «Метроэлектротранс» оешмасы хәбәр итә. Моннан тыш, статистика буенча, Казан метросында ир-атлар хатын-кызларга караганда ике тапкыр ешрак әйберләрен оныта.

Югалган әйберләр табылса, станциядәге дежурга мөрәҗәгать итәргә һәм табылган әйберне метро хезмәткәренә яки полиция хезмәткәренә, тикшерү инспекторына тапшырырга кирәк.