Бөек Җиңүнең 80 еллыгына медальләр кемгә бирелә?

Җиңүнең 80 еллыгына медальләргә Бөек Ватан сугышы ветераннары, шул исәптән чит ил кешеләре, партизаннар, тыл хезмәтчәннәре, элеккеге балигъ булмаган концлагерь тоткыннары лаек булачак, дип язылган Россия Президенты Владимир Путин Указы нигезләмәсендә."1941-1945 еллардагы Бөек Ватан сугышында Җиңүгә 80 ел "юбилей медале белән түбәндәгеләр бүләкләнә:

СССР Кораллы Көчләре сафларында Бөек Ватан сугышы фронтларында хәрби хәрәкәтләрдә катнашкан хәрби хезмәткәрләр һәм ирекле ялланган составтагы затлар, Бөек Ватан сугышы чорында СССРның вакытлыча оккупацияләнгән территорияләрендә хәрәкәт иткән партизаннар һәм яшерен оешма әгъзалары, хәрби хезмәткәрләр һәм ирекле ялланган составтагы затлар. Бөек Ватан сугышы чорында СССР Кораллы көчләрендә хезмәт иткән затлар, "1941-1945 еллардагы Бөек Ватан сугышында Германияне җиңгән өчен", "Японияне җиңгән өчен" медальләре белән бүләкләнүчеләр, шулай ук "1941-1945 еллардагы Бөек Ватан сугышында Германияне җиңгән өчен" медаленә таныклыгы яки 1941-1945 еллардагы Бөек Ватан сугышында катнашуын раслый торган сугышта катнашучы таныклыгы булган затлар", - диелә документта.

Шулай ук юбилей медальләренә Бөек Ватан сугышы елларындагы фидакарь хезмәтләре өчен СССР орденнары, "1941-1945 еллардагы Бөек Ватан сугышында фидакарь хезмәт өчен", "Хезмәт батырлыгы өчен", "Хезмәт отличиесе өчен", "Ленинградны саклаган өчен", "Мәскәүне саклаган өчен", "Одессаны саклаган өчен", "Севастопольне саклаган өчен" медальләре белән бүләкләнгән тыл хезмәтчәннәре дә лаек булачак. "Сталинград оборонасы өчен", "Киев оборонасы өчен", "Кавказ оборонасы өчен", "Совет Заполярьясы оборонасы өчен", шулай ук "Блокададагы Ленинградта яшәүчегә", "Камалган Севастопольдә яшәүчегә" билгеләре булган затлар, "Камалышта калган Сталинград кешесе "яки "1941 - 1945 еллардагы Бөек Ватан сугышында фидакарь хезмәт өчен" медале таныклыгы ияләре лаек булачак.  

Моннан тыш, медаль белән 1941 елның 22 июненнән 1945 елның 9 маена кадәр, СССРның вакытлыча оккупацияләнгән территорияләрендә эшләү чорыннан тыш, кимендә ярты ел эшләгән затларны һәм Икенче бөтендөнья сугышы чорында фашистлар һәм аларның союздашлары тарафыннан төзелгән концлагерь, гетто һәм башка мәҗбүри тоту урыннарының элеккеге балигъ булмаган тоткыннарын бүләкләячәкләр. "Бүләкләү... СССР Кораллы Көчләре сафларында хәрби милли формированиеләр, партизан отрядлары, Яшерен төркемнәр, башка антифашист формированиеләр составында сугышкан, 1941-1945 еллардагы Бөек Ватан сугышында җиңүгә зур өлеш керткән һәм СССР яки РФ Дәүләт бүләкләре белән бүләкләнгән чит ил гражданнары", - дип өстәлә положениедә.
"1941-1945 еллардагы Бөек Ватан сугышында Җиңүгә 80 ел" юбилей медале күкрәкнең сул ягында йөртелә һәм "1941-1945 еллардагы Бөек Ватан сугышында Җиңүгә 75 ел" медале артыннан урнаштырыла.