#Кыскача яңалыклар 04 апреля 2024, 15:19 Уку өчен 2 минут

Чыгарылыш укучылары өчен БДИ буенча яңалык

04 апреля 2024, 15:19

Уку өчен 2 минут

Чыгарылыш укучылары БДИ предметларының берсен 4 нче һәм 5 нче июльдә яңадан тапшыра алачак.

Скопировать ссылку

Чыгарылыш укучылары БДИ предметларының берсен 4 нче һәм 5 нче июльдә яңадан тапшыра алачак.

Бу хакта РФ хөкүмәте рәисе Михаил Мишустин хәбәр итте.

Әгәр бала, дулкынлану аркасында, эшне сыйфатлы башкармаса, бу аның киләчәк язмышын, карьерасын «боза» ала, дип билгеләп үтте ул. Шуңа күрә, премьер сүзләренчә, имтиханны яңадан тапшыру мөмкинлеге «мөһим карар» булган.

Михаил Мишустин яңа тәртипне гамәлгә ашыру өчен законга өстәмә үзгәрешләр кертү кирәк булмаячагын билгеләде.

Исегезгә төшерәбез, февраль аенда Федераль җыенга юллама җиткергәндә, Россия президенты Владимир Путин укучыларга кабул итү кампаниясе ахырына кадәр бер фән буенча БДИны яңадан тапшыру мөмкинлеге бирергә тәкъдим итте. Ул ассызыклаганча, Бердәм дәүләт имтиханы механизмы камилләштерелергә тиеш.

Кызыклы яңалыкларны күзәтеп бару өчен Вконтактега кушылыгыз.