«Гаилә белән сайлыйбыз!» бәйгесендә махсус призга лаек гаилә билгеле

Махсус призны Раилә Сөләйманова һәм аның гаилә әгъзалары алды, дип хәбәр ителә «Вконтакте» социаль челтәрендәге «Татарстан Алга» төркеме.

Сөләймановлар портатив акыллы колонка отты. Аларның оештыручылар белән элемтәгә керүләрен көтәләр. Бүген төркемдә тагын бер тавыш бирү оештырылачак.

«Татар-информ» Президент сайлавында катнашкан Татарстан кешеләренең «Гаилә белән сайлыйбыз!» дигән конкурста катнашуын, барлыгы 30 меңнән артык фотосурәт урнаштырылуын хәбәр иткән иткән иде. Бәйге Гаилә елына багышлап үткәрелә.

Конкурс шартлары буенча, тавыш биргән һәм сайлау участогында бирелгән беләзекләр белән фотога төшкән гаиләләргә үз сәхифәләренә #ТатарстанАлга һәм #ВсейСемьейНаВыборы хештеглары белән фотосурәтләр урнаштырырга кирәк.

Катнашучылар арасында өч Lada Vesta автомобиле уйнатыла, аларның берсенең хуҗасы сайлауның беренче көнендә билгеле булды. Аны Татарстанның Актаныш районында яшәүче Флюда Гардисламова һәм аның ире отты. Тагын ике машина уйнатылачак.

Моннан тыш, иң креатив катнашучылар өчен махсус призлар белән берничә номинация игълан ителде. «Иң дус гаилә» номинациясендә җиңүчеләрдән тыш, «Иң иҗади гаилә», «Иң елмаючан гаилә», «Сайлауга иң яшь катнашучы белән килгән гаилә» һәм «Иң күп кешеле гаилә»ләр билгеләнәчәк.