#Кыскача яңалыклар 08 сентября 2024, 10:19

Газчыларны фатирга кертмәгән өчен штраф түләргә туры киләчәк

08 сентября 2024, 10:19

Казанда газ җиһазларына техник хезмәт күрсәтү өчен фатирларга эләгә алмаганнан соң газчылар Дәүләт торак инспекциясенә мөрәҗәгатьләр яза башлаган.

Скопировать ссылку

Татарстанның торак инспекциясе матбугат хезмәте хәбәр иткәнчә, инде 5 мең сумга ике милекчегә штраф салынган, һәм 40 кешегә административ эш кузгату мәсьәләсе хәл ителә.

Һәрбер хокук бозучыга Россия Федерациясенең Административ хокук бозулар турындагы кодексының 9.23 маддәсенең 3 өлеше буенча хокук бозу турында карар төзелгән һәм 5 000 сум күләмендә штраф билгеләнгән.

Шуны да искәртеп үтәргә кирәк, газ хезмәтләре белгечләрен фатирга кертмәгән өчен гражданнар өчен штраф суммасы 5-10 мең сум тәшкил итә, вазифаи затлар өчен – 100 мең сумга кадәр, юридик затлар өчен ярты миллион сум. Әгәр бу хокук бозу авариягә китергән икән-гражданнар өчен штраф 150 мең сумга кадәр артачак. Штрафлардан тыш, фатир хуҗасына гына түгел, бөтен «стояк» буенча да газ бирүне туктату каралган.

Кызыклы яңалыкларны күзәтеп бару өчен Телеграм-каналга кушылыгыз.