Голливуд актеры Том Круз татар кызы белән мөнәсәбәтләре турында рәсми рәвештә игълан итте

Бу хакта Британиянең The Daily Mail яза, дип хәбәр итә "URA.RU". " Хәйрова – танылган Россия депутаты кызы һәм бриллиантлар белән сату итүче олигархның элеккеге хатыны. Ул декабрьдә Круз белән кичәдә танышкан, диелә.

"Алар хәзер рәсми рәвештә очраша. Эльсина даирәсендәгеләргә аларның бергә булуы яхшы билгеле. Алар соңгы берничә атна эчендә бик якынайдылар. Әмма фотога бергә төшмәскә тырышалар, чөнки үзләренең конфиденциальлеген сакларга телиләр", – дип сөйләгәннәр таблоидка чыганак. Моңа кадәр бу пар принц Уильям (Бөекбритания короле Карл IIIнең өлкән улы) катнашында хәйрия оешмасына теләктәшлек йөзеннән узган гала-кичке ашка килгәннәр.

Күптән түгел Эльсина Франциядә тау чаңгысы курортындагы фотосурәтләрен социаль челтәргә элгән. "Эльсина элегрәк 43 яшьлек Дмитрий Цветковта кияүдә булган. Элеккеге ире рәхимсез өч еллык никах процессының аңа 150 миллион фунт стерлингка төшүен әйткән", – дип яза The Daily Mail.

Дәүләт Думасының элеккеге депутаты Хәйров барысын да кире кага. "Бу сафсата" дигән ул декабрьдә Крузның аның кызы белән очрашуы турында беренче хәбәрләр пәйда булгач.

Фото: Вконтакте