Ялларга нинди һава торышы көтелә?

Төньяк һава агымнары белән салкын һава килә башлый: төнлә һәм иртән температура -8..-13 градуска кадәр түбәнәя, аязганда -17 градуска чаклы, көндез -6.-11 граддус булачак.

Якшәмбе көнне, 15 декабрьдә, төнлә һәм иртән һава температурасы сизелерлек түбәнәя – 13..-18 градуска чаклы, аязганда -22 градус көтелә, кайбер көнчыгыш районнарда бераз кар булырга мөмкин. Көндез көнбатыш районнарга чираттагы атмосфера фронты килә. Кар явачак, һава температурасы -9..-14 градусны тәшкил итәчәк.

Татарстан Гидрометеоүзәгенең фаразы буенча, киләсе атна башында, 16-17 декабрьдә, республикада чираттагы циклон йогынтысында шулай ук кар яву фаразлана. Төнге сәгатьләрдә температура 16 декабрьдә -9..-14, 17 декабрьдә - 5..-10°, көндезге сәгатьләрдә -2..-7 градус көтелә.