#Кыскача яңалыклар 13 март 2024, 10:25

Яман шешне дәвалауда уңай үзгәрешләр көтелә

13 март 2024, 10:25

Россиядә якындагы биш-алты елда онкологик пациентларны дәвалауда кардиналь үзгәрешләр көтелә, дип белдерде сәламәтлек саклау министры Михаил Мурашко.

Скопировать ссылку

- Онкологиядә, минем уйлавымча, якындагы биш-алты елда - кардиналь үзгәрешләр булачак, яңа препаратлар барлыкка киләчәк, - дигән ведомство башлыгы Рязань медицина көллияте студентлары белән очрашуда.

Көтелгән гомер озынлыгы арту сәбәпле кешеләр яман шешләр белән ешрак очрашачак, әмма дәвалауның яңа ысулларын эзләү бер генә минутка да тукталмый, дип ассызыклый Мурашко.

Онкологиянең кайбер төрләре белән табиблар уңышлы көрәшергә һәм ремиссиягә ирешергә өйрәнгән инде, әмма тагын да зуррак бурычлар кала.

Февраль башында Мурашко хәбәр иткәнчә, илдә диагностика тизлеге һәм сыйфаты арткан - шешләрнең 60 процентын беренче һәм икенче стадияләрдә ачыклыйлар, дәвалауда уңай фаразлар бирелә. Яман чир белән очрашкан балаларны дәвалауда да яхшы якка динамика күзәтелә.

Кызыклы яңалыкларны күзәтеп бару өчен Т елеграмга кушылыгыз.