Ярдәм итү урынына, зыян салырга мөмкин

Микроорганизмнарның бик тиз үсә баруы антибиотикларның нәтиҗәлелеген киметүгә китерә. Бу хакта Bild басмасы язган.
«Без янә заманча медицина казанышларын югалтабыз һәм пенициллин ачылганчыга кадәрге вакытларга кайтабыз», — дип хәбәр итте Йогышлы терапия җәмгыяте президенты Матиас Плетц.

Bild басмасы антибиотикларның нәтиҗәлелеге кимүнең ике төп сәбәбен атый: коронавирус пандемиясеннән соң туристлык сәяхәтләр санының артуы һәм хәтта гадәти респиратор авыруларны дәвалау өчен дә антибиотикларның күп санда кулланылуы. Препаратлар артык игътибар бирмичә генә билгеләнә, гәрчә, еш кына моның кирәге дә юк, диелгән мәкаләдә.

Моңа кадәр табиб-реабилитолог Сергей Агапкин россиялеләргә антибиотиклар кабул иткәндә киң таралган хатаны атады. Ул антибиотиклар кабул иткәндә рационга кальцийга бай продуктларны кертергә ярамый, ди.

Үз чиратында, медицина фәннәре докторы Татьяна Шаповаленко дөрес тукланмау, җилләтелми торган биналарда булу һәм табиб билгеләмәсеннән башка антибиотиклар кабул итүне салкын тиюне дәвалаганда төп хаталар дип атады.