#Кыскача яңалыклар 09 август 2023, 13:14

Илназ Галәвиев калган гомерен Россиянең иң кырыс төрмәсендә үткәрәчәк

09 август 2023, 13:14

Казанның 175нче гимназиясендә 9 кешене атып үтергән Илназ Галәвиевне Оренбург өлкәсендәге 6нчы төзәтү колониясенә (ул күбрәк «Кара дельфин» буларак билгеле) озатачаклар.

Скопировать ссылку

Бу хакта Татарстан прокуратурасының матбугат хезмәте хәбәр итә. 2023 елның 7 августында Түбән Новгородның гомуми юрисдикциядәге дүртенче апелляция суды гомерлек төрмә җәзасы рәвешендәге хөкем карарын үз көчендә калдырды.

Оренбург өлкәсенең Соль-Илецк шәһәрендә урнашкан 6 нчы санлы холык төзәтү колониясе халыкта «Кара дельфин» төрмәсе буларак билгеле. Россиядә ул гомерлеккә ирекләреннән мәхрүм ителгәннәр өчен тәгаенләнгән биш колониянең берсе.

Илназ Галәвиев «Кара дельфин» төзәтү колониясендә гомерлек җәза срогы үтәчәк