Иң бай россияле кем? Баласы юк, аена 227 000 сум акча эшли

Югары икьтисад мәктәбе тикшеренүчеләре меңләгән бай россияле белән аралашкан.

Иң бай 10 процент гражданнарның уртача кереме аена 227 мең сум тәшкил итә. Бу гаиләдә бер кешегә уртача керем. Шул ук вакытта байларның гаиләләре нигездә кечкенә.

Сораштыруда катнашучыларның яртысыннан артыгы гаиләгә аена 300-600 мең сум акча алуларын белдергән. Дүрттән бер өлеше аена 600 мең сумнан артык акча ала.

Шунысы игътибарга лаек, бай гаиләләрдә керем чыганаклары күбрәк. Әгәр ил буенча тулаем алганда, россиялеләрнең 90 процентында диярлек 1-2 керем чыганагы бар икән, байларның диверсификациясе күпкә күбрәк. Сораштыруда катнашучыларның 58 проценты 2-4 керем чыганагы бар дип әйткән, ә 27 проценты 5 һәм аннан да күбрәк дип әйткән.

Шул ук вакытта сораштырылган бай россиялеләрнең күбесе ил буенча уртача күрсәткечтән киләчәккә якты өмет белән карый. Беренчедән, аларның яртысы соңгы елда керемнәре артуын таныды. Чагыштыру өчен, бөтен ил халкы арасында керемнәрнең 9 проценты гына артуын билгеләп үтте. Икенчедән, һәр икенче бай россияле үзенең керемнәре киләсе елда тагын да артачак дип көтә. Алар арасында пессимистлар 8 процент кына.