#Кыскача яңалыклар 21 октября 2024, 13:04

Казанда БРИКС саммиты вакытында Конфуций һәйкәлен ачачаклар

21 октября 2024, 13:04

БРИКС саммитының мәдәни программасы кысаларында Казан университеты китапханәсе янындагы скверда Конфуций һәйкәлен ачу булачак.

Скопировать ссылку

Кытай фәлсәфәчесенең 2,5 метр биеклектәге таш скульптурасы (гранит постамент белән бергә) инде урнаштырылган. Конфуций милли костюм кигән, аның куллары үзенчәлекле сәламләү ишарәсендә куелган, ә карашы китапханәгә төбәлгән. Һәйкәл өчен урын очраклы гына сайланмаган. Казан университеты составында 2007 елдан бирле Конфуций институты эшли, ул Россия-Кытай элемтәләрен ныгыту белән шөгыльләнә. Конфуций һәйкәлен ачу тантанасында Кытай делегациясе әгъзалары катнашыр дип көтелә.

Россия музейларының Кытай коллекцияләрен Казанда БРИКС саммиты көннәрендә күрсәтәчәкләр.