Казанда өч йөк машинасы бәрелешкән. Зыян күрүче бар

Аларның берсендә йөртүчесе кабинада кысылып калган. Коткаручылар килеп җиткәнче, әлеге авария шаһитләре аңа ярдәм итәргә ашыккан. Соңгы мәгълүматларга караганда,  авариядә зыян килгән икенче машинаның карарлыгы калмаган. Кабинасы нык яньчелгән. Машина йөртүченең аягы сынган. Аны республика клиник хастаханәсенә алып киткәннәр. 

Әлеге авариягә кагылышлы, социаль челтәрләрдән кулланучылар үз фикерен белдерә.

"Юлда узыш оештыралар, шундый куәтле машина йөртә үзләре".

"Алар бит шәһәр эчендә дә сәгатенә 100 чакрым белән чабалар". 

" Бу КаМАЗ, Газельләрдә әле яңа гына "права" алган "бала-чага" йөри, узышалар". 

"Кая барып бәрелгәннәрен белмиләр".