#Кыскача яңалыклар 11 марта 2024, 16:07

Махсус операциядә катнашучы һәлак булса, тиешле түләү аның баласына тиешлеме?

11 марта 2024, 16:07

Владимир Путин Россия хөкүмәтенә, әти яки әнисе һәлак булган очракта, махсус операциядә катнашучыларның балигъ булган балаларын бер тапкыр бирелә торган түләү алучылар исемлегенә кертү мәсьәләсен карауны йөкләде.

Скопировать ссылку

Социаль-икътисади мәсьәләләр буенча йөкләмәләр исемлеге Кремль сайтында бастырылган.

"махсус хәрби операциядә катнашучы һәлак булган (үлгән) очракта, бер тапкыр түләү алу хокукына ия булган затлар, һәлак булган (үлгән) кеше гаиләсенең әгъзалары булмаганда, аның балигъ булган балаларын шундый түләү алу хокукына ия булган затлар санына кертү мәсьәләсен карарга кирәк", – диелә йөкләмәдә.

Бу мәсьәлә буенча докладны 1 апрельгә кадәр әзерләргә кирәк. Җаваплы итеп премьер-министр Михаил Мишустин билгеләнә.

2023 елның августында Мишустин махсус операция барышында хәрбиләр үлсә, иминият түләүләрен алуны җиңеләйтә торган карарга кул куйды. Түләүләр алу өчен хәрби частьтә бирелгән хәрби хезмәткәрнең үлеме турында белешмә бирергә кирәк. Үлем турында рәсми медицина таныклыгы бирелүен көтәргә кирәкми. Карар хәрби җыеннар барышында һәлак булган хәрбиләрнең гаиләләренә, шулай ук хезмәт бурычын үтәгәндә һәлак булган эчке эшләр Министрлыгы, Росгвардия, ФСИН, гадәттән тыш хәлләр министрлыгы хезмәткәрләренең туганнарына кагыла.

Кызыклы яңалыкларны күзәтеп бару өчен Телеграм-каналга кушылыгыз.