Миңнеханов транспорт тармагы хезмәткәрләрен һөнәри бәйрәмнәре белән котлады

Рөстәм Миңнеханов автомобиль һәм шәһәр пассажир транспорты хезмәткәрләрен һәм ветераннарын һөнәри бәйрәмнәре белән котлады. Ул 29 октябрьдә билгеләп үтеләчәк. "Бу бик мөһим тармак. Әлеге бәйрәм белән чын күңелдән котлыйм", — диде Рөстәм Миңнеханов. Рәис ассызыклаганча, тармак хезмәткәрләре алдында мөһим бурычлар тора: яңа логистик маршрутлар кертү, пассажир ташуның нәтиҗәлелеген һәм куркынычсызлыгын һәм югары хезмәт күрсәтү культурасын тәэмин итү.

2023 елның 9 аенда гына да республиканың транспорт предприятиеләре 291 млн кеше һәм 160 млн тонна-километр йөк ташыган.