Мөфти урынбасары: “Ир белән хатынның һәрберсе нисабка ия булса, корбанны икесе дә чалдыра”

Татарстан мөфтие урынбасары Равил хәзрәт Зөфәров ачыклык керткәнчә, гаилә башлыгының әҗәт-бурычларыннан, гаиләсен тәэмин итү хаҗәтләреннән кала, шуның кадәр суммада акчасы булса, аңа корбан чалдыру мәҗбүри. 
-    Ә инде хатынының да нисабы – 51 мең сумы булса, ул да корбан чалдырырга тиеш. Гаиләдә акчаны ир-ат кына тапса, ул чалган корбан гаилә исеменнән дә бара. Шуны онытмыйк: гаиләдәге ир һәм хатынның һәрберсе аерым нисабка ия икән, икесе дә чалдыра, - диде ул.