Пенсионерлар өстәмә индексацияләнгән пенсияне февральдә алырга мөмкин

Россиядә пенсионерлар февральдә үк өстәмә индексацияләнгән пенсия, шулай ук гыйнвар чоры өчен компенсация алырга мөмкин, дип хәбәр иткән РИА Новостига Дәүләт Думасы депутаты Никита Чаплин ("Бердәм Россия").

Эшләмәүчеләр өчен дә, эшләүче пенсионерлар өчен дә иминият пенсияләре 2025 елдан 7,3 процентка индексацияләнгән. Моннан тыш, Россия Хөкүмәте 2025 елның 1 февраленә кадәр узган ел өчен инфляция дәрәҗәсен исәпкә алып, иминият пенсияләрен индексацияләп бетерү турында карар кабул итә ала, өстәмә үсеш күрсәткече 2,22 процент тәшкил итәчәк. 

"Хөкүмәт элек планлаштырылган 7,3 процент урынына пенсияләрне 9,5 процентка кадәр арттыруны хуплаган очракта, пенсионерлар февральдә үк арттырылган түләүләргә исәп тота алачак, гыйнвар чоры өчен компенсацияне дә кертеп", - диде Чаплин.
Аның сүзләренә караганда, 16 000 сум тәшкил иткән пенсия 17 520 сумга кадәр артачак, ә гыйнварда 7,3 процентка арткан кебек 17 168 сумга кадәр түгел.