Путин фикеренчә, QR-кодлар турындагы закон проектын эшләп бетерергә кирәк

"Бөтен нечкәлекләрне һәм вәзгыятьне исәпкә алырга кирәк, QR-кодлар системасы гражданнарның сәламәтлеген саклау өчен эшләнергә һәм аларга артык кыенлыклар тудырмаска тиеш", - диде дәүләт башлыгы Россия сәнәгатьчеләре һәм эшмәкәрләр берлеге съезды утырышында.

Гамәлдәге редакциядә QR-кодлар кертү турындагы закон проекты эшләп бетерүне таләп итә, дип белдерде Путин. Теләсә нинди үзгәрешләр кабул ителгәнчегә кадәр хөкүмәт сертификатлар системасының тулысынча технологик яктан әзерлеген тәэмин итәргә тиеш, дип ассызыклады ул.