Россиядә яңартылган 1000 һәм 5000 сумлык купюра барлыкка киләчәк

"Гадәт буенча Дәүләт билгесе оешмасы белән уртак матбугат конференциясе үткәрәчәкбез. Банкнотлар заманча, дөнья трендлары рухында ясалган. Яңартылган 100 сум белән чагыштырганда 1 мең һәм 5 мең сумлык банкнотларның саклану элементлары күбрәк булачак. Бу гомуми принцип — номиналы югарырак булган саен, саклану комплексы катлаулырак була", - дигән Үзәк банк рәисе урынбасары Сергей Белов "Известия" басмасына биргән әңгәмәсендә.

Үзәк банк рәисе урынбасары сүзләренчә, яңартылган мең һәм биш мең сум акча бастырыла башлаган.

— Презентациядән соң без банкнотларны шунда ук банкларга бирәбез, бу җиһазларны сынап карый алсын өчен эшләнелә, — дигән Сергей Белов.

Ул хәбәр иткәнчә, эксперт төркемнәре сайлаган төп символлар банкнотларда үз чагылышын тапкан.

"Шулай ук 1 мең һәм 5 мең сумлык банкнотлар үзләренең төс палитрасын саклап калачак дип әйтә алам", дип төгәлләгән Белов.

Бер ел элек «Известия»гә биргән әңгәмәсендә Үзәк банк рәисе урынбасары эксперт төркемнәре тарафыннан әлеге номиналларның яңартылган купюралары өчен 30дан артык объект тәкъдим ителгәнен, әмма ахыргы нәтиҗәне презентациядә беләчәкбез, дип сөйләгән иде. Шул вакытта ул меңлек купюра буенча Түбән Новгород Кремлен, Түбән Новгород ярминкәсе бинасын, Чкалов баскычын, Дәүләт банкы бинасын, «Түбәнге Новгород» стадионын, Вера Мухина эшләгән Максим Горький һәйкәлен, Идел елгасын, Казан Кремленең Сөембикә манарасын, Казан Кремлен, «Городище» тыюлыгын, Казан гаилә үзәген атады.

Биш меңлек буенча: Севастьянов йорты, Исет елгасындагы шәһәр буасы плотинасы, Екатеринбург шәһәренең панорама күренеше, Урал ирекле танк корпусы сугышчыларына һәйкәл, конструктивизм һәйкәле, Урал хребты, каслин коюы скульптурасы Россия, Нефть һәм газ чыгару сәнәгате объектлары, малахит вазасы, Истәлекле билге Европа — Азия, тыл - фронт һәйкәле һәм «Урал турында хикәя» һәйкәле тәкьдим ителгән була.