Сайлауда тавыш биреп, фатир отканнар

Россия Президенты сайлауларының беренче көнендә үк Омск өлкәсе Колосовский районы Талбакуль авылыннан Людмила Плахинага бәхет елмайган. Ул "Выбирай Россию" социаль акциясендә катнашкан һәм фатир откан. 

Омск шәһәреннән Жанна Шумилова 1 миллион иясе, ә Омск районы Надеждино авылыннан Ирина Демина автомобиль хуҗасы дип табылган. 

Мондый төрдәге социаль акцияне Төмәндә дә үткәргәннәр. "Туган ягыңны ярат" дип исемләнгән викторинада яңа йорттан 2 фатир уйнатканнар. Шуның берсе пенсионер әбигә эләккән.