#Кыскача яңалыклар 21 февраль 2024, 14:18

Татарстан гаиләләре нинди түләүләр ала?

21 февраль 2024, 14:18

Татарстан гаиләләре дәүләттән төрле ярдәм чаралары ала. Алар арасында ана (гаилә) капиталы, бердәм пособие, йөклелек һәм бала табу буенча пособие, бала туганда яки уллыкка алганда бер тапкыр бирелә торган түләүләр керә.

Скопировать ссылку

Бу хакта бүген төбәк белән идарә итү үзәге оештырган туры эфирда Россия Социаль фондының Татарстан Республикасындагы бүлеге җитәкчесе Эдуард Вафин хәбәр итте.

"Биш ел элек без балалы гаиләләргә ярдәм итүнең шундый бербөтен системасы булдырылачагын күз алдына да китерә алмадык. Бүгенге көндә балалары булган һәр гаилә, яшенә карамастан, һәр балага дәүләт тарафыннан ярдәм чараларына дәгъва итә ала. Хәзер бу система эшли, һәм аңа барысы да ияләшкән», — дип билгеләп үтте ул.

Гаиләләр шулай ук өч яшькә кадәрге бала туу сәбәпле айлык түләүләр, бер яшь ярымга кадәрге баланы карау буенча айлык пособие, баланы гаиләгә тапшырганда бер тапкыр бирелә торган түләүләр ала. Әти-әниләргә инвалид балаларны карау өчен өстәмә түләүле ял көннәре, шулай ук айлык компенсация түләүләре бирелә.

Гаилә елына багышланган туры эфирлар атна саен Татарстанның ЦУР рәсми аккаунтында уза. Эфирлар Россия Федерациясендә һәм Татарстан Республикасында Гаилә елы планнарын тормышка ашыру кысаларында куелган бурычларга багышлана.

Кызыклы яңалыкларны күзәтеп бару өчен безнең МАХ каналына кушылыгыз.