ТНВда ПРЕМЬЕРА - ике буын җырчыларын бер сәхнәдә җыйган «Музыкаль Сабантуй»

Бер сәхнәдә ике чорның популяр башкаручылары һәм җырлары. Яшь буын һәм мэтрлар арасында кызу бәрелеш. Беренче чыгарылышта Татарстанның һәм Башкортстанның халык артисты Айдар Галимов һәм эстраданың популяр җырчысы Ильнат Фәтхуллин катнашачак.

Ике талантлы башкаручы профессиональ дуэльдә очрашачак һәм тере тавыш, хит, харизма белән көч сынашачак!

Артистларның кайсысы чыннан да тарихка керергә лаек? Татар эстрадасының башында торган, 90нчы елларның кумирлары булган олпат артистларыбыз, яисә хәзер популярлык пигында булган, меңләгән татар тамашачысы яраткан эстрада йолдызларымы? Зур музыкаль ток-шоу моңа ачыклык кертәчәк.

Әлеге проекта татар сәнгатьнен мәшһүр шәхесләре, татар операсына һәм эстрадасына зур йогынты ясаган, үсешенә нигез салган шәхесләр уйлары. Бүген хәзер заманча трендлар тудырган интернет киңлектә миллион караулар җыя алган яшь амбициоз, бүгенге көннең “акулылары” фикере. Кем-кемне? Кызу бәхәстә дөреслек ачыкланырмы?

"Музыкаль Сабантуй" проектында татар сәнгатенең иң Республикасыннан иң көчле профессионаллары җыелды.

Турлар дәвамында йолдызлы жюри чыгышларны карап, үзләренең бәяләрен бирәчәк. Аларның фикере тамашачыныкы белән туры килү-килмәве онлайн тавыш бирүдә ачыкланачак.

Хитлар көрәшендә музыка сөючеләрнең йөрәген кем яулар?