Украинада махсус хәрби операциядә һәлак булган Дамир Исламовка Россия Герое исеме бирелде

Татарстан Президенты Рөстәм Миңнеханов Казан танк училищесын тәмамлаган Лениногорск егете, өлкән лейтенант Дамир Исламовның туганнары һәм якыннарының кайгысын уртаклашты. 

Солдат март башында Украина территориясендә махсус операция вакытында һәлак булган. Бу хакта республика башлыгы үзенең Telegram-каналында хәбәр итте.

Дамир Исламов танкының экипажы каршы яктан һөҗүм итүчеләргә батырларча каршы торган. Россия хәрбиләре биш танк белән тигезсез көрәшкә керә, аларның дүртесен юк итәргә ирешәләр. Әмма, кызганычка каршы, Дамирның танкы бик каты һөҗүмгә дучар була. Экипаж һәлак була. 
Хәрби бурычын үтәгәндә күрсәткән батырлыгы өчен Дамир Исламовка үлгәннән соң Россия Герое исеме бирелде.
һәлак булган солдат белән хушлашу бүген Лениногорскида уза.