“Барыгызны да тавыш бирергә һәм бөтен гаиләгез белән бәйрәмгә чакырам”

Казан шәһәре башкарма комитеты җитәкчесенең социаль мәсьәләләр буенча урынбасары Азат Абзалов иртәгәдән 170 мәйданчыкта ярминкәләр оештырылачагын да искәртте. “Гадәти кибетләрдән андагы товарлар бәясе 20 процентка арзанрак булачак”, – дип тә өстәде. Моннан тыш, тавыш бирүчеләр беләзек белән музейларга да бара ала. Шулай ук җәмәгать транспортында бушлай йөрү мөмкинлеге дә булдырыла.

Иртәгә шулай ук “Казан” гаилә үзәге янында “Бөтен гаилә белән сайлауга” фестивале узачак. Чара сәгать 14.00дә старт ала. Шунда ук гастрономия мәйданчыклары, фотозона, мастер-класслар эшләячәк. Концерт программасында Гүзәл Уразова, Фирдус Тямаев, Салават Фәтхетдинов, «Кар-Мэн» төркеме, Mia Boyka, Татьяна Куртукова чыгышлары көтелә.
– Барыгызны да тавыш бирергә һәм бөтен гаиләгез белән бәйрәмгә чакырам, – диде Азат Абзалов.