Блогер Ринат Галиәхмәтов Миңнехановның татар мәдәниятен үстерүгә керткән өлешен билгеләп үтте

Монда ТР Рәисе Рөстәм Миңнеханов роле гаять зур. «Татар-информ» хәбәрчесе белән блогер Ринат Галиәхмәтов (Татар Малай) шундый фикере белән уртаклашкан.

«10 ел элек, мин эшне башлаганда, вәзгыять аяныч: интернетта да, ютубта, гомумән социаль челтәрләрдә контент аз иде. Татар телен саклау программасы барлыкка килгәннән соң, "татар телле ютуб-каналлар", татар телендә социаль челтәрләр, бик күп блогерлар һәм конкурслар барлыкка килде, төрле очрашулар, чаралар уздырыла. Безнең өчен, яшь блогерлар өчен, бу бик шәп, безне күрәләр, бәялиләр, безнең өчен бу блог алып барырга стимул. Без күрәбез, безне Дәүләт күрә, без блогны туган телдә генә алып бармыйбыз. 10 ел эчендә бик зур эш башкарылган, һәм ул әлегә кадәр дәвам итә, һәм мин ул алга таба да дәвам итәр дип өметләнәм», – дип сөйләде агентлык әңгәмәдәше.

Үз мәдәнияте белән яшәүче кеше бу юнәлештә эш алып барылуын һәрвакыт күрәчәк, дип өстәде ул.

«Шуның белән яшәгәндә, татар КВНы да, татарча стендап та, татарча концертлар һәм чаралар да булуын күрәсең. Соңгы 10 елда татар мәдәниятен үстерүгә керткән гомуми өлеш гаять зур», - диде блогер.