#Кыскача яңалыклар 09 сентябрь 2025, 10:38

Россиялеләр 1 октябрьгә кадәр социаль ярдәм алу формасын сайларга тиеш

09 сентябрь 2025, 10:38

Федераль ташламалар һәм социаль ярдәм чараларын алырга хокуклы булган россиялеләр әлеге хезмәтләрне 1 октябрьгә кадәр алу формасын сайлый ала. Бу хакта РИА Новости хәбәр итә.

Скопировать ссылку

"Федераль ташламаларга һәм социаль ярдәм чараларына хокуклы россиялеләр сентябрь ахырына кадәр социаль хезмәтләр җыелмасын нинди формада алырга икәнен билгели алалар: натураль яки акчалата", - диелә Социаль фондтан алынган документта.

Аныкланганча, натураль форма дигәндә дарулар һәм медицина эшләнмәләре бирү, шифаханәләргә юллама бирү, дәвалану урынына шәһәр яны электричкаларында һәм шәһәрара транспортта бушлай йөрү һәм кире кайту күздә тотыла. Кешегә бу хезмәтләр кирәк булмаган очракта, ул финанс компенсациясен (акчалата) сайлый ала. Хезмәтләрнең барлык төрләреннән баш тарткан очракта, аның күләме аена 1728,46 сум тәшкил итә.

"Шул ук вакытта аларны тулысынча яки өлешчә алыштыру мөмкинлеге бар. Мәсәлән, санаторийга юллама һәм аңа кадәр бару хокукын саклап калырга, ләкин ай саен түләү белән компенсацияләнәчәк дарулардан баш тартырга", - дип ачыклык кертелә Россия Социаль фонды хәбәрендә.

Сайлау өчен 1 октябрьгә кадәр Дәүләт хезмәтләре, клиент хезмәте яки МФЦ аша социаль фондка гариза бирергә һәм җыелмадан һәр хезмәт буенча алу ысулын күрсәтергә кирәк. Сайланган вариант кеше яңа гариза биргәнче киләсе елдан гамәлдә булачак.

Кызыклы яңалыкларны күзәтеп бару өчен безнең МАХ каналына кушылыгыз.