Гашыйклар көнен үткәрмәскә, диләр

Татарстан Мәдәният министрлыгы театрларга, музейларга һәм башка учреждениеләргә 14 февральдә Изге Валентин көненә багышламаска киңәш итте. 
"Без бернәрсә дә тыймадык. Бу гади тәкъдим. Без чараны нәкъ менә барлык гашыйклар көненә багышланган итеп күрсәтмәскә киңәш иттек",-дип хәбәр иткәннәр ведомствоның матбугат хезмәтендә. Әмма турыдан-туры йөкләмә булмаган. Учреждение җитәкчеләрен, әгәр алар чаралар оештырсалар һәм аны Изге Валентин көне белән бәйләсәләр, аларга «битараф булмаган гражданнар»ягыннан тискәре реакция булырга мөмкин, дип кисәттеләр. Алар, үз чиратында, мәдәният министры яки Татарстан рәисе исеменә бәйрәмне искә алуны алып ташлауны яки чараны бөтенләй гамәлдән чыгаруны сорап хатлар яза башларга мөмкин.

«Бернинди тыю да булмады, беркемгә дә кагылмас өчен йомшаграк позицияләргә һәм юри афишалардан баш тартырга киңәш бирелде», — диелә министрлык хәбәрендә.