Илкүләм проект чараларын финанслау күләме билгеле булды

Шул исәптән федераль бюджет акчалары – 23,4 млрд сум, Татарстан бюджеты – 19,5 млрд сум. Бу хакта журналистларга Татарстан финанс министры урынбасары Гела Герасимова хәбәр итте.  

Агымдагы елда зур акчалы проектлар: “Гаилә” илкүләм проекты – чыгымнарның гомуми күләменең 36 проценты; “ Яшәү өчен инфраструктура” – 33; “Яшьләр һәм балалар” – 13; “Дәвамлы һәм актив тормыш” – 10; “Экологик иминлек” – 3 процент.

“Хисап чорында (7 айда) аларны гамәлгә ашыруга 22,3 млрд сум юнәлдерелгән, 21,4 млрд сумы – үзләштерелгән”, – дип белдерде спикер. 
Агымдагы елның гыйнвар-июль айларында килгән керемнәр планлаштырылган беренче чираттагы һәм социаль әһәмияткә ия чыгымнарны тулысынча һәм үз вакытында финансларга мөмкинлек биргән.