Картасындагы миллион сум акчаны мошенникларга күчергән

52 яшьлек хатын-кызның банк картасына җинаятьчеләр миллион сумнан артык акча күчергән. Хәзерге вакытта ул тоткарланган, дип хәбәр иткән Россия эчке эшләр министрлыгы вәкиле Ирина Волк. 

Шикләнелүче, бурычларын түләргә өметләнеп, интернетта өстәмә эш тапкан. Аферистлар күрсәтмәсе буенча ул банкларның берсендә шәхси эшкуарлык алып бару өчен исәп-хисап счетын ачкан, аннары җинаять юлы белән алынган акчалар шунда күчерелгән. 

Үз счетына күчерелгән акчалар белән бәйле операцияләр турындагы мәгълүматны хатын-кыз үз кураторларына мессенджер ярдәмендә тапшырган. 

Исәк төшерик, күптән түгел Россия Президенты Путин дропперлар өчен җинаять җаваплылыгы турындагы канунга кул куйды. Әйтик, акча эшләү максатыннан үз банк реквизитларын мошенникларга биргән затлар өчен 3 елга кадәр һәм мондый эшчәнлекне оештыручылар өчен 6 елга кадәр җинаять җәзасы билгеләнгән.