Казанда вандалларга каршы чат булдыралар

Казанның Авиатөзелеш һәм Яңа Савин районнарында яшүсмерләр һәм шәһәр халкы өчен “антивандаллар чаты” барлыкка киләчәк. Теләгәннәр «Чиста эш» (“ЧистоДело”) проектында катнаша һәм шәһәргә һәм волонтерларга шәһәр киңлекләрен язулардан, теглардан һәм граффитилардан чистартырга ярдәм итә алачак. 

«Чиста эш» проекты ике юнәлешне күздә тота: аралашу өчен чат һәм рәссамнар белән күзгә-күз очрашулар. Чатка кергән кешеләр чистартуга мохтаҗ киңлекләрнең фотографияләре, мәдәни булмаган эчтәлекле граффити, Авиатөзелеш һәм Яңа Савин районнарының йөзен боза торган теләсә нинди рәсемнәр белән уртаклаша алачак. “Алдынгылар хәрәкәте” вәкилләре һәм шәһәр активистлары ямьсез язуларны чистартуда катнашачак.

Икенче юнәлеш кысаларында «Чиста эш» проектында катнашучыларны рәссамнар белән очрашулар һәм Казан шәһәренең Яңа Савин районы җәмәгать киңлекләрендә профессиональ граффити ясау мөмкинлеге көтә. Бу юнәлештә катнашу өчен сәнгать өлкәсендә тәҗрибә кирәк (мәсәлән, сәнгать мәктәбендә белем алу). Чатка керү яки сәнгать очрашуларында катнашу өчен теркәлү узарга кирәк.