Кыска видеолар безнең баш миен «үтерә» – галимнәр чаң суга

Элегрәк белгечләр рилсларның алкоголь һәм наркотиклардан биш тапкырга куркынычрак булуын ачыклаган иде, әмма хәзерге яңа мәгълүматлар – тагын да куркынычрак.

Менә нәрсә билгеле:
-    Рилслар, кыска клиплар һәм, гомумән, фаст-контент (тиз-контент) ташкыны нерв системасын даими паника хәлендә тота – бу беркайчан да тынычлап суларга ирек бирми торган “мәгълүмат агымы”.
-    Төнге скроллинг (видеолар карап яту, мәгълүмат белән танышу, лента “актару”) “тирән йокы”ны үтерә – ял итүнең мөһим фазасын юк итә. Шул вакытта без кеше булып түгел, ә яшелчә булып уянырга мәҗбүрбез.

Иң мөһиме – клиплар караганда кеше уйламый, “башын югалта” – бу минутлар тормыштан эзсез югала. Әгәр наркоман яки сәрхүш ни эшләгәнен ничек тә булса аңлый икән, монда баш мие барлык инстинктларны сүндерә, шул рәвешле хәтергә дә зыян килә, ди белгечләр.