#Кыскача яңалыклар 24 июль 2025, 15:28

Россиядә яшелчәләр арзанайган. Күпмегә?

24 июль 2025, 15:28

Россиядә бер атна эчендә 15-22 июльдә дефляция булган (товарларга һәм хезмәтләргә бәяләрнең тотрыклы кимүе), бәяләр 0,05 процентка кимегән.

Скопировать ссылку

Соңгы тапкыр мондый хәл 2024 елның көзендә булган. Еллык инфляция шулай ук кимегән - 9,17. Бер атна элек ул 9,34 процент дәрәҗәсендә булган, дип хәбәр итә РФ Икътисади үсеш министрлыгы үз хисабында.

Азык-төлек товарлары базарында бәяләр 0,27 процентка кимегән. Җиләк-яшелчә продукциясе 3,5 процентка арзанайды. Кәбестә (-8,3 процент), бәрәңге (-7,4 процент), кишер (-7,4 процент), суган (-3,1 процент) арзанайган.

Азык-төлек булмаган товарларга бәяләр 0,08 процентка арткан. Кием-салым һәм аяк киеме арзанаюын дәвам иткән. Төзелеш материалларына бәяләр төшкән.
Бензин бәясе 0,3 процентка арткан,ә менә дизель ягулыгына бәяләр инде өч атна дәвамында тотрыклы.

15 июльдән 22 июльгә кадәр түләүле хезмәтләргә бәяләр үсеше темплары 0,08 процент тәшкил иткән, бер атна элек 0,19 иде. Бу санаторийда хезмәт күрсәтүләрнең кимүе хисабына булды.

Кызыклы яңалыкларны күзәтеп бару өчен безнең МАХ каналына кушылыгыз.