Россиядә күпфатирлы йортларда куркыныч этләр асрауны тыярга мөмкиннәр

"Потенциаль куркыныч этләрне күпфатирлы йортлардагы фатирларда асрауны тыю тиешле карар булыр иде, чөнки җәмгыятьтә аларга карата ачу арта.  Мондый этләрнең һөҗүм итү очракларын еш очратырга була, — дип аңлаткан Антропенко агентлык белән әңгәмәдә.

Парламентарий ассызыклаганча, мондый хайваннарны махсус җиһазландырылган мәйданчыкларда йөрткән очракта да, бу зоналарга юл гомуми файдаланудагы территорияләр аша уза.

Моннан тыш, Антропенко хайванның үз-үзен тотышын алдан белеп булмый, хәтта элек ул беркайчан да агрессив омтылышлар күрсәтмәгән булса да, дип ассызыклаган.