#Кыскача яңалыклар 24 июль 2025, 09:53

Россиянең бер төбәгендә бортында 43 пассажир булган самолет югалган

24 июль 2025, 09:53

Радарлардан югалган Ан-24 самолетында 43 пассажир булган, шул исәптән 5 бала да.

Скопировать ссылку

Радарлардан югалган Ан-24 самолетында 43 пассажир булган, шул исәптән 5 бала да.

Благовещенскидан Тындага очкан Ан-24 самолетында 43 пассажир булган. Алар арасында биш бала, шулай ук алты экипаж әгъзасы. Очкычны эзләү өчен барлык кирәкле көчләр һәм чаралар җәлеп ителгән, дип хәбәр иткән Амур өлкәсе губернаторы Василий Орлов.

"Оператив хезмәтләр хәбәр иткәнчә, бүген Благовещенскидан Тындага очучы Ан-24 пассажир самолеты радарлардан югалган. Беренчел мәгълүматлар буенча самолет бортында 43 пассажир (аларның бишесе балалар) һәм алты экипаж әгъзасы булган. Самолетны эзләү өчен барлык кирәкле көчләр һәм чаралар җәлеп ителгән", - дип язган Орлов Telegram-каналда.

Амур өлкәсе башлыгы тикшерелмәгән мәгълүматка ышанмаска сорады һәм өлкә хөкүмәтенең рәсми мәйданчыкларында вәзгыять үсеше турында хәбәр итәргә вәгъдә итте.

Кызыклы яңалыкларны күзәтеп бару өчен безнең МАХ каналына кушылыгыз.