#Кыскача яңалыклар 07 апрель 2025, 12:36

Социаль челтәрләрдә фотолар чыгарганда сак булыгыз. Чөнки җаваплылык көтә

07 апрель 2025, 12:36

Уңышсыз килеп чыккан фотографияне социаль челтәрләрдә бастыру кәефне бозып кына калмыйча, шәхси тормышта яки һөнәри өлкәдә тискәре нәтиҗәләргә китерергә мөмкин.

Скопировать ссылку

Юрист Сурая Рамазанова Life.ru басмасына фотоны кеше ризалыгыннан башка бастырып чыгарган өчен хокук бозучыны судка бирергә мөмкинлеге турында сөйләгән.
Белгеч сүзләренчә, судка мөрәҗәгать иткәндә кешенең шәхси тормышка хокукы бозылуын яки авторлык хокуклары бозылуын исбатларга кирәк булачак. Шул ук вакытта суд процессының уңай нәтиҗәсенә шанслар, әгәр фотография җәмәгать урынында төшерелгән булса, кими.

Судка мөрәҗәгать итәр алдыннан юрист фотоны бастырган кешегә шәхсән мөрәҗәгать итәргә һәм сурәтне алып ташлау, бетерүне сорарга киңәш иткән. Югыйсә, "рәнҗетүче" гамәлләрендә шәхси тормышның кагылгысызлыгын бозу турындагы җинаять составын күрергә мөмкиннәр. Моның өчен 200 мең сумга кадәр штраф яки ике елга кадәр иректән мәхрүм итү рәвешендә җәза яный ала.

"Шәхси тормышның кагылгысызлыгын бозу - цифрлы технологияләр чорында җитди проблема. Кешеләрнең шәхси пространствосын хөрмәт итү һәм Материалларны Интернетта бастырганда сак булу бик мөһим", - дип өстәгән Рамазанова.

Кызыклы яңалыкларны күзәтеп бару өчен безнең МАХ каналына кушылыгыз.