Казанда кереме 105 меңнән азрак булганнарга базар ипотекасын бирмиләр

Ә Санкт-Петербург халкына – кимендә 126 мең сум, дип сөйләгән “РИА Новости”га "Этажи" риелтор компаниясе башкарма директоры Регина Дыдалина.
Казанда шул ук мәйданда базар ставкалары буенча кредит рәсмиләштерү өчен 105 мең сумнан, Түбән Новгородта – 93 мең сумнан, Ростов-на-Донуда – 76 мең сумнан, Краснодар һәм Екатеринбургта 75 мең сумнан башлап таләп ителәчәк. Новосибирскида, Красноярскида һәм Уфада керемнең минималь дәрәҗәсе 71-73 мең сум булырга тиеш.

Шул ук вакытта ипотека рәсмиләштерүгә атлыгып торучылар да юк. Ипотеканың кыйммәтләнүе һәм бәяләр үсеше россиялеләрнең торакка ихтыяҗын киметкән.
2024 елда торак сатып алуга ихтыяҗ Россия төбәкләренең күбесендә яңа төзелешләр базарында да, икенчел торакта да 20 процентка кимегән, дип белдерә экспертлар.

Ул раада "Гадел Россия – хакыйкать өчен" партиясе лидеры, Дәүләт Думасы депутаты Сергей Миронов балалы гаиләләрне торак белән социаль найм хокукларында тәэмин итү тәкъдиме белән чыккан. "Демография проблемасын хәл итү, күп бала табуны стимуллаштыру өчен, бала туганда социаль наем буенча бирелә торган торак төзү буенча дәүләт программасы кирәк, һәм алга таба әлеге торакны үз милкең итеп күчерү мөмкинлеге булдырылсын", – дип белдергән ул.
Аныңча, мондый программа "Гаилә ипотекасы"н алыштырырга тиеш. Ул, ташламалы шартларга карамастан, күп гаиләләргә үзләренең торак шартларын яхшыртырга мөмкинлек бирми, ди Сергей Миронов.